ZIF (Zorg Info Films) a wordu krea pa soru pa peliculanan di kwido i di salu di alta kalidad wordu sea inisia, conberti o tradusi. ZIF prinsipalmente ta pa marka i atende e gruponan multi-kultural den e sociedad Ulandes, sin kita o laga na banda e karakter i e ambiente lokal .

Dikon? Pa un gran grupo di hende biba aki na Ulanda e splikashon i informashon pa via di peliculanan ku ta atende topiconan di kwido i di salu a wordu di stop of di blok kompletamente desde 2009.

Spesialmente pa migrantenan di 1e o di 2da generashon den e diverso kulturanan tin analfabetismo haltu (e estimashon ta ku mas ku ½ miyon, di lokwal 75% ta hende muhe, (info di NRC 2010) i eseinan nunka no lo bai papia Ulandes drechi, legumai pa bai sinya lesa i skibi.

Pero asta pa esnan ku sa Ulandes bon, e Ulandes ta keda nan segundo lenga, i hopi palabra i
tinto ta bai perdi i no ta keda komprondi. Asina hende tin ku haber ku topiconan di kwido i di salu, un bon splikashon i komprenshon ta masha importante mes.

E pregunta i nesesidad pa bon pelikulanan riba topikonan di kwido i di salu ta sigi eksisti , pero pa motibu di falta di finasiamientu e pedidanan pa esei ta keda riba buronan di e kompanianan di kwido i di salu i di e gruponan asosia ku kwido i salu.

Lokwal si ta sigi notabel ta ku dokternan, sosiedadnan i fundashonan dentro di barios disiplina di kwido i salu, ketu bai ta laga sa di tin e nesesidad pa yega i splika e gruponan ariba menshona, p’asina e brecha, prevenshon, kwido, splikashon i komprenshon di i pa ku otro lo bira i funshona mas mihor.

Den e situashon sosial nobo, kambio i adaptashonan nobo i otro den ekonomia i politika Ulandes, i despues di invetarisashon masha intensivo i kauteloso, e funadornan i e isntanshanan* di ZIF a yega na e sigiente konklushon:

1. E diferente gruponan multi-kultural i di multi-lenguahe ta responsabel nan mes pa soru pa finansia pelikulanan di kwido i di salu sea den mes lenga o ku titularnan, esei ta si nan ke hanja e pelikulanan.

2. I ku e uniko manera pa logra esei, lo mester por ta, ku e diferente gruponan multi-kultural i di multi-lenguahe “kada unu” , pa via di apoyo grandi den henter pais, finasieramente soru i kwida nan mes pa logra nan mes pelikulanan di kwido i di salu.

3. I ku e sistema di “Crowd Funding” (mira FAQ) lot a e mihor manera pa kada unu di e kommunidadnan ey logra traha esei den nan “mes lenga”.

E lenga/kommunidad ku ta duna i apoya finansieramente un pelikula di kwido di salu kompletamente, lo hanya su pelikula tradfusi / traha, i esnan ku no ta hasi esei lo no hanja nada.

Asina kada kommunidad pa parti di “su mes apoyo” ta soru pa hanja su mes pelikulanan di kwido i di salu den nan mes lenga. I si e differente kommunidadnan ke apoya otro pa logra ku otro kommunidadnan tambe ta hanja e pelikulanan di kwido i di salu den nan mes lenga, esei lo hasi nos ainda mas felis.

Pa kada un pelikula di kwido i di salu ku ta wordu traha un grupo di supervisor lo wordu instala (mira FAQ)

I pa ultimo nos ke gradesi di tur kurason, tur persona i instansha ku den un manera of otro a partisipa den su tempu, pensamentu, apoyo, pashon i fe pa realisa ku Zorg Info Films por bira un realidad.

Si tin pregunta derspues ku a lesa e introdukshon aki, por fabor di yama o manda un mail pa hanja kontesta i splikashon.